Винисиус "Реал"да қолади, клуб уни "Арсенал"га сотмайди

Мадриднинг «Реал» жамоаси ҳужумчиси Винисиус Жуниор ёзги трансфер ойнаси якунлангач ҳам клубни тарк этмайди. «Қироллик клуби» 26 ёшли вингерни сотиш ниятида эмас ва унинг 2027 йил ёзида тугайдиган шартномасини узайтиришга рози бўлишига ишонмоқда. Бу ҳақда Sky Sports хабар берди.

Манба маълумотига кўра, «Реал» Винисиусни жамоада сақлаб қолишига ишонч билан қарамоқда, гарчи унга «Арсенал» томонидан жиддий қизиқиш бўлса-да. Шу ҳафта мадридликлар ва футболчи вакиллари ўртасида унинг келажагига оид навбатдаги музокаралар ўтказилиши режалаштирилган.

Таъкидланишича, испан гранди бош мураббийи Жозе Моуринью бразилиялик вингер ўйинини юқори баҳолайди ва уни жамоада қолишини истайди.

Ўтган мавсумда «Реал» ҳужумчиси барча мусобақалар доирасида 53 та ўйинда майдонга тушиб, 22 та гол урди ва 14 та голли узатма муаллифига айланди. Transfermarkt портали маълумотларига кўра, футболчининг бозор қиймати 140 миллион еврони ташкил этади.

«Реал» Мадрид — ХХ асрнинг энг яхши клуби саналишининг сабаблари: