Винисиус "Реал"даги келажагини ҳал қилди

Мадриднинг "Реал" жамоаси ҳужумчиси Винисиус Жуниор клубни тарк этишни режалаштираётгани йўқ. Бразилиялик футболчининг "қироллик клуби" билан амалдаги шартномаси яна бир йилдан сўнг якунланади. Шунингдек, футболчининг ўзи келишувни узайтириш бўйича яқин вақтларда келишувга эришилишига ишонаётгани айтилмоқда, дея хабар беради журналист Хосе Феликс Диас. Аввалроқ маълум қилинганидек, томонлар жаҳон чемпионати якунлангач, шартномани узайтириш масаласини муҳокама қилиш учун музокаралар ўтказиши кутилмоқда.

Винисиус Жуниор 2018 йилдан бери "Реал" шарафини ҳимоя қилиб келмоқда. 25 ёшли ҳужумчи шу вақтга қадар мадридликлар сафида барча мусобақалар доирасида жами 375 та ўйин ўтказган. У шу ўйинларда 128 та гол урган ва 100 та голли пас берган.