Винисиусга расмий таклиф берилди

«Реал» клуби вингер Винисиус ва унинг вакилларига шартномани узайтириш бўйича расмий таклиф йўллади.

Мадрид жамоаси бир неча ойдан бери давом этаётган музокаралардан сўнг футболчи билан келишувга эришишни мақсад қилган. Клуб раҳбарияти Винисиусга «Арсенал» томонидан жиддий қизиқиш борлигидан хабардор.

Лондон жамоаси эса ўз навбатида футболчини сотиб олиш бўйича илк расмий таклифни тайёрламоқда. Винисиуснинг вакиллари бу режалардан хабардор қилинган.

Аввалроқ тарқалган маълумотларга кўра, Винисиус «Реал» раҳбарияти билан Жозе Моуринью бошчилигидаги янги лойиҳадаги ўрнини муҳокама қилмоқчи ва таклиф этилаётган маош унинг мақомига қанчалик мос келишини аниқлаб олишни истамоқда.

Бразилиялик футболчи солиқлар тўланганидан сўнг бир мавсум учун тахминан 20 миллион евро иш ҳақи олишни кутаётгани айтилмоқда.