Влаховични Испания грандлари рад этди

«Ювентус» ҳужумчиси Душан Влахович туринликлар билан янги шартнома борасида келишувга эриша олмади. Шу боис сербиялик футболчи эркин агент мақомига эга бўлмоқда.
 

Ҳозирча Влахович ўз учун янги жамоа қидиряпти. Инсайдер Маттео Моретто маълумотига кўра, унинг номзоди «Барселона», «Реал» ва «Атлетико» клубларига таклиф этилган. Бироқ бу жамоалар форвардни олишдан воз кечган — клублар Влаховичнинг молиявий талабларини қондиролмаган.
 

Душан Влахович «Ювентус» сафида жами 168 ўйин ўтказган. У шу муддат ичида 68 та гол урган ва 16 та голли пас берган.