Хаби Алонсо "Арсенал"дан кутилмаган футболчини олади

«Арсенал» ярим ҳимоячиси Мартин Субименди «Челси» скаутлари эътиборини тортди. 27 ёшли футболчини жамоага олиб келиш ғоясига «синилар» бош мураббийи Хаби Алонсо шахсан қизиқиш билдиргани хабар қилинмоқда, деб ёзади Transfer News Live журналист Саймон Филлипсга таяниб.

Маълумотларга кўра, испаниялик мутахассис клуб раҳбариятига ўз ватандошини жамоага қўшиб олиш истагини билдириб бўлган. Шу билан бирга, ҳозирча бундай трансфер амалга ошиши жуда қийин деб баҳоланмоқда.

Мартин Субименди ўтган йил ёзида «Реал Сосьедад» таркибидан «Арсенал»га 65 миллион евро эвазига ўтган эди. 4

Ушбу мавсумда хавбек «канонирлар»га Премьер-лига чемпиони бўлишда муҳим ҳисса қўшди. Футболчининг амалдаги шартномаси 2030 йилгача мўлжалланган.