Хаби Алонсо "Байер" тарихида янги саҳифа очди!

Хаби Алонсо бошчилигидаги "Байер" барча мусобақаларда қаторасига 8та ўйинда ғалаба қозонди. Бу 1979 йилдан буён, яна жамоа Бундеслигага чиққанидан бери клубнинг рекорд натижаси ҳисобланади.

Испаниялик мутахассис бу борада Клаус Топпмёллернинг рекордини ортда қолдирди. Таъкидлаш керакки, Топпмёллер бошқаруви давомида "доришунослар" 2001/02 йилги мавсумда 7 ўйиндан иборат ғалабали серияга эришган. Хаби Алонсо ушбу натижани ўтган мавсумдаёқ такрорлаган эди (кетма-кет 7 ғалаба).

Эслатиб ўтамиз, “Байер” ортда қолган 9 турдан кейин Бундеслига турнир жадвалида “Бавария”дан 2 очко кўп жамғарган ҳолда пешқадамлик қилмоқда. Леверкузенликлар кеча "Фрайбург"ни мағлуб этишди (2:1).