Xabi Alonso kamebkka izoh berdi

«Chelsi» bosh murabbiyi Xabi Alonso Liga kubogi doirasida «Lids» ustidan irodaviy g‘alabadan (6:3) keyin o‘yin haqida fikr bildirdi.

Uchrashuv boshida «siniye» 53-daqiqa qadar 0:2 hisobida ortda borayotgan edi. Shundan so‘ng londonliklar 12 daqiqa ichida to‘rtta gol urib, vaziyatni tubdan o‘zgartirishga muvaffaq bo‘ldi. Keyinroq mehmonlar hisobni qisqartirib, yana intrigani qaytarishdi, ammo o‘yin oxirida «Chelsi» yana ikki bor raqib darvozasini ishg‘ol etib, barcha savollarga nuqta qo‘ydi.

«Natija va jamoaning reaktsiyasidan mamnunman. Ha, tarkibga shuncha o‘zgarish kiritar ekanmiz, ma’lum ma’noda tavakkal qildik. Rejalashtirganlarimiz amalga oshmadi, shuning uchun o‘yin davomida taktikani o‘zgartirishga to‘g‘ri keldi. Birinchi bo‘lim uchun mas’uliyatni o‘z zimmamga olaman. Maydonga birga ko‘p o‘ynamagan tarkibni tushirsangiz, «Lids» kabi raqibga qarshi o‘ynash doim qiyin bo‘ladi», – deya Alonso so‘zlarini keltiradi BBC.

«Chelsi» tarkibida Koul Palmer va Danni Uelbek dubl qayd etdi. Pedru Netu va Valentin Barko esa yana bitta­dan gol urishdi.