Хави: "Ғалабага ҳақли эдик"

"Барселона" ла Лиганинг 10-турида "Реал"ни ўз майдонида қабул қилиб, 1:2 ҳисобида мағлуб бўлди. Ўйиндан кейин Хави ўз фикрлари билан ўртоқлашди. 

"Ўйлайманки, бугун ғалабага ҳақли ўйин кўрсатдик, лекин мағлуб бўлдик.  Бу ёмон натижа. Аммо яхши ўйнадик. Мақсадимиз - лигада ғолиб чиқиш. Кийиниш хонасида йигитлар пенальти ҳақида гапиришмоқда. Ўша вазиятни кўрмадим. Ҳакам мағлубиятимизга сабабчи эмас. Ўз имкониятларимиздан фойдалана олмаганимиз учун ютқаздик", - деди испаниялик мутахассис. 

"Барселона" ушбу мавсумдаги илк мағлубиятини "Реал"дан қабул қилиб олди. Эндиликда клуб турнир жадвалида 3-ўринга тушиб кетди.