Хайр, Бензема!

«Ал-Ҳилол» сафида тўп суриб келаётган Карим Бензема яқин кунларда жамоани тарк этиши мумкин.

Журналист Санти Ауна маълумотига кўра, клуб ва футболчи ўртасидаги ҳамкорликни яқин бир неча кун ичида тўхтатиш режалаштирилган. Франциялик форварднинг кейинги жамоаси ҳақида ҳозирча аниқ маълумот йўқ.

Бензема жорий йил февраль ойида «Ал-Иттиҳод»ни тарк этгач, эркин агент сифатида «Ал-Ҳилол»га келиб қўшилган эди. У ўшанда бир ярим йиллик шартнома имзолаган. Саудия Арабистони  клуби таркибида у 16 та расмий учрашувда майдонга тушиб, 10 та гол урди ва жамоадошларига 5 марта голли пас йўллади.

Эслатиб ўтамиз, Карим Бензема илгари «Лион» ва «Реал» клубларида ҳам ўйнаган. 38 ёшли ҳужумчи Франция миллий терма жамоаси таркибида 97 та ўйин ўтказган.