Хитой кортлари қизимоқда

Бельгиялик теннисчи Элизе Мертенс Шэньчжэн шаҳрида ўтаётган халқаро турнирнинг чорак финал босқичига йўл олди.

Элизе яккалик баҳсларининг иккинчи даврасида хитойлик Сю Ванни қийинчиликсиз 6:4, 6:3 ҳисобида мағлубиятга учратди. Мазкур ғалаба бельгиялик теннисчи учун "Shenzhen Open"нинг чорак финал йўлланмасини тақдим этди.

Энди Мертенс ярим финалга чиқиш учун қозоғистонлик Елена Рибакинанинг қаршилигини енгиб ўтиши керак бўлади.