Холанд айбини тан олди

“Манчестер Сити” тўпурари Эрлинг Холанд жорий мавсум жамоа бошдан ўтказган инқироз ва натижаларининг пасайиши сабабларини тушунтириб ўтди.

- Мавсумни бўш ўтказганимизга жамоада жароҳатланганларнинг кўплиги каби қатор сабабларни келтириб, ўзимизни оқлашимиз мумкин.

Лекин ростини айтганда, ўзимиз ҳам яхши ўйнаганимиз йўқ. Жамоага ғалабаларга бўлган чанқоқ етишмади.

Хусусан, ўзим ҳам етарли даражада зўр ўйнай олмадим. Жамоага аввалгидек ёрдам бермадим, - деди 24 ёшли норвегиялик футболчи.

“Манчестер Сити” кетма-кет тўрт йил чемпион бўлганидан кейин бу мавсум унвонини “Ливерпуль”га бой бериб қўйди.

Эрлинг Холанд жорий мавсумда барча турнирларда 40 та ўйин ўтказиб, рақиблар дарвозасини ўттиз маротаба ишғол қилди ва жамоадошларига тўртта голли пас узатди.