Xoland: Davom etishimiz kerak

Erling Xoland APL doirasida "Chelsi" ustidan qozonilgan g‘alabadan (3:1) so‘ng o‘z fikrlari bilan o‘rtoqlashdi. 

"Biz g‘alaba qozonishda davom etishimiz kerak. Bu ishlashimiz zarur bo‘lgan jihat sanaladi. Bugun biz ruhiy ustunligimizi ko‘rsatdik. Endi davom etishimiz shart. 

Biz Chempionlar ligasi ("Bryugge" klubiga qarshi o‘yinda) doirasidagi o‘yinda albatta g‘alaba qozonishimiz lozim. Keyin "Arsenal"ga qarshi uchrashuvga boramiz. 

Oldinda bizni ko‘plab muhim bellashuvlar kutib turibdi. Shuning uchun, imkon qadar tezroq tayyor bo‘lib, o‘zimizni maksimal formamizga chiqib olishimiz zarur", - dedi norvegiyalik forvard.