Холанд ҳакамлар жазоланишига сабабчи бўлди

Англия премьер-лигаси тўртинчи туридан ўрин олган дербида «Манчестер Юнайтед» ўз майдонида «Манчестер Сити»ни қабул қилди. Қатъий курашда кечган учрашувда меҳмонлар 1:0 ҳисобида ғалаба қозонди. Ўйиндаги ягона голни Норвегия терма жамоаси ҳужумчиси Эрлинг Холанн киритди.

The Touchline манбаси хабарига кўра, ушбу дербидан сўнг ВАР тизимида ишлаган ҳакамлар жазоланади. Мэтт Донохью ва унинг ёрдамчиси Блейк Антробус «шаҳарликлар»нинг голини ҳақли эмас, деб баҳоланиши керак бўлган ҳолатда ҳисобга олган. Эътиборли жиҳати, гол урилишидан олдин Энцо Фернандес офсайдда бўлгани айтилмоқда. Шу боисдан ВАР ҳакамлари Англия чемпионатининг навбатдаги турига учрашувлар тайинловини олмайди.

Мазкур сафар ғалабасидан сўнг «Манчестер Сити» очколарини 12 тага етказиб, Англия премьер-лигаси жадвалида иккинчи ўринни эгаллаб турибди. «Қизил иблислар» эса тўрт очко билан 13-поғонада жойлашган.