Холанд "Манчестер Сити"даги юбилей голини киритди

“Манчестер Сити”нинг норвегиялик ҳужумчиси Эрлинг Холанд бугун бўлиб ўтаётган “Арсенал”га қарши АПЛ 5-тур учрашувида гол урди. Шу тариқа, Холанд “шаҳарликлар” сафида киритган голлари сонини 100 тага етказиб олди. Бу кўрсаткичга эришиш учун Эрлинг Холандга 105 та ўйин керак бўлди.

Трансфермаркт порталида келтирилган маълумотларга кўра, футболчининг бозор нархи 180 миллион еврони ташкил этади. Холанднинг “Сити” билан амалдаги шартномаси 2027 йилнинг 30 июнига қадар имзоланган.

Жорий мавсумда Холанд “Манчестер Сити” таркибида 7 та ўйин ўтказиб, 10 та гол урди. У "Манчестер Сити" сафига 2022 йилнинг ёзида "Боруссия Д"дан келиб қўшилган.