Холанд: Мен Бразилияни яхши кўраман!

"Жаҳон чемпионати-2026" 1/8 финали олдидан Норвегия терма жамоаси етакчи ҳужумчиси Эрлинг Холанд Бразилияга қарши баҳсдан нима кутаётгани ҳақида гапириб ўтди. "Манчестер Сити" форварди болалигидан бразилиялик футболчилар ўйинини кузатиб борганини ва ушбу учрашувни ўзи учун алоҳида аҳамиятга эга деб ҳисоблашини таъкидлади.

"Бразилия — мен болалигимдан кузатиб келган жамоа. Қачондан бери эсласам, уларда доим ажойиб футболчилар жамланган. Шунинг учун Бразилияга қарши майдонга тушиш мен учун ўта махсус ва ишонарсиз даражада ҳайратланарли бўлади. Бу жуда гўзал ва ҳайратомуз мамлакат. Бу ўйин ҳақиқий катта воқеага айланади! Агар сен Бразилия бўлсанг, дунёдаги энг яхши футболчиларга эга бўлишинг мумкин, чунки бу — Бразилия. Мен Бразилияни яхши кўраман!" — дея Холанднинг сўзларини The Touchline нашри келтиради.

Холанд жорий мусобақадаги уч учрашувда бешта гол урди. У гуруҳ босқичининг сўнгги турида Францияга қарши ўйинда майдонга тушмади. Бразилия — Норвегия учрашуви 5 июль куни Ист-Ратерфорд шаҳрида бўлиб ўтади. Ғолиб жамоа чорак финалга йўл олади.