Холанд Месси, Роналду ва Мбаппега “дарс” берди

Англия Премьер-лигасининг навбатдаги турида амалдаги чемпиони “Манчестер Сити” Лондондаги учрашувда “АРсенал”га 1:5 ҳисобида ютқазди.

“Шаҳарликлар”нинг ягона голига муаллифлик қилган Эрлинг Холанд тарихий натижа қайд этди.

“Арсенал” дарвозасига киритилган тўп Холанд учун клублар миқёсидаги 250-гол бўлди. Бу кўрсаткичга эришиш учун норвегиялик ҳужумчига 313 та учрашув керак бўлди холос.

Демак, Холанд тезкор самарадорлик бўйича янги рекорд соҳибига айланди. 24 ёшли футболчи бу натижаси орқали Лионель Месси, Килиан Мбаппе ва Криштиану Роналдудан ўзиб кетди.

Месси 250 та гол уриш учун 327 та, Мбаппе 332 та, Роналду эса 451 та ўйинда иштирок этишига тўғри келган.