Холанд "Реал" ва "Барса"га ультиматум қўяди
Ҳужумчининг режалари маълум бўлди
«Манчестер Сити» ҳужумчиси Эрлинг Холанд келажакда «Реал» ёки «Барселона» сафига ўтиш имкониятини кўриб чиқишга тайёр. Бу ҳақда El Nacional нашри хабар берди.
Манбанинг таъкидлашича, футболчи аниқ бир клубни танлаб қўймаган. Аммо у Испаниянинг икки етакчи жамоаси олдига ўз шартларини қўйишни режалаштирмоқда. Хусусан, Холанд келажакдаги шартномасига махсус банд — белгиланган миқдор учун клубни ўз хоҳишига кўра тарк этиш имконини берувчи тўлов опцияси киритилишини истамоқда. Шу йўл билан норвегиялик форвард ўз келажагини ўзи бошқаришни мақсад қилган.
Эрлинг Холанд 2022 йилдан бери «Манчестер Сити» шарафини ҳимоя қилиб келмоқда. Унгача у дортмундлик «Боруссия» таркибида тўп сурган.
Изоҳлар (0)