Хоселу Раулнинг натижасини такрорлади

"Реал Мадрид" марказий ҳужумчиси Хоселу Испания чемпионати доирасида "Осасуна"га қарши ўйинда гол урди. Учрашув “Сантьяго Бернабеу” стадионида бўлиб ўтди ва "қаймоқранглилар"нинг 4:0 ҳисобидаги йирик ғалабаси билан якунланди.

Ушбу гол орқали Хоселу Рауль Гонсалеснинг натижасини такрорлади. У 21-асрда "қироллик клуби" учун бир мавсумда ўзининг дастлабки тўққизта ўйинида беш ёки ундан ортиқ гол урган учинчи испаниялик футболчига айланди. Бунга Хоселу ва Раулдан ташқари Хавьер Портильо ҳам эришган.

33 ёшли ҳужумчи кейинги ёзгача "Эспаньол"дан ижара асосида "Реал"га ўтганди.

Ла Лиганинг 9 туридан сўнг Анчелотти шогирдлари 24 очко билан турнир жадвалида биринчи ўринда бормоқда.