Хушхабар! "Дэвис Кубоги"ни ғалаба билан бошладик!

Теннис бўйича норасмий жаҳон чемпионати ҳисобланадиган "Дэвис Кубоги" I гуруҳи плей-офф босқичи учрашувлари ўтказилмоқда.

Пойтахтимиздаги Республика Олимпия захиралари теннис мактаби кортлари Ўзбекистон ва Туркия қарама-қаршилигига мезбонлик қиляпти. Бугун томонларнинг дастлабки беллашуви бўлиб ўтди ва унда Санжар Файзиев дунё тасниф жадвалида 189-рақамда сараланган Чем Илкель устидан 3 сетда ғалаба қозонди.

Дастлаб, 6:3 ҳисобида зафар қучган вакилимиз 2-сетни тай-брекда бой берди. Ҳал қилувчи сетда эса, 6:4 ҳисобида ғалаба қозониб, юртимизга дастлабки ғалабани тақдим этди.

Энди кун тартибидан ўрин олган иккинчи беллашувда Сергей Фомин Алтуғ Челикбилекка қарши кортга чиқади.