Ямал Бразилияга кетди

“Барселона” ва Испания терма жамоаси ҳужумкор фуболчиси Ламин Ямал Бразилияга йўл олди. 17 ёшли футболчи ёзги таътилининг бир қисмини шу ерда ўтказади.

Ge.globo нашрининг ёзишича, испаниялик юлдуз илгари “Барселона”да ўйнаган машҳур футболчи Неймар билан учрашишни режалаштирмоқда.Гап шундаки, Ламин Ямал болалигидан  Неймарни кумири, деб билади ва унинг мухлиси ҳисобланади.

Якунланган мавсумда Ламин Ямал “Барселона” сафида барча турнирларда 55 та ўйин ўтказиб, ўз ҳисобига 18 та гол ва 25 та голли узатма ёздириб қўйди.

Йил бошидан бери “Сантос”да ўйнаётган Неймар эса, юртига қайтганидан кейин қадрдон жамоаси сафида 14 маротаба майдонга тушиб, учтадан гол ва ассист муаллифи бўлди.