Ямал яна Мбаппени "синдирди"

Испания терма жамоаси 2026 йилги жаҳон чемпионати ярим финалида Франция футболчиларини 2:0 ҳисобида мағлуб этди.

Статистика экспертлари дарров ҳар икки жамоанинг етакчилари - Ламин Ямал ва Килиан Мбаппенинг клуб ва терма жамоалар миқёстдаги ўзаро тўқнашувлари натижаларини ҳисоб-китоб қилди. 

Икки юлдузнинг ўзаро рақобатига алоҳида эътибор қаратилишига улар клублар миқёсида икки ашаддий рақиб - "Барселона" ва "Реал" шарафини ҳимоя қилаётгани ҳам сабаб бўлди. 

Бу галги ярим финалда ғалаба Испания терма жамоаси ва "Барселона" ҳужумкор футболчиси Ламин Ямалнинг устунлигини мустаҳкамлади. Испан футболчиси "Барса" ва терма жамоа сафида Килиан Мбаппе билан ўзаро 11 марта тўқнаш келиб, шулардан 9 тасида қўли баланд келган.