Яна бир юлдуз Европани тарк этмоқда

Европадан ташқарида фаолиятини давом эттириши мумкин бўлган ҳужумчи Жейдон Санчога Қатар клуби «Ар-Райян»дан жиддий қизиқиш бор. Foot Mercato нашри хабар беришича, клуб раҳбарияти 26 ёшли вингерни ўз сафига қўшиб олишни  режалаштирмоқда.

Манба маълумотига кўра, мамлакат чемпиони бўлган «Ар-Райян» Санчога расмий шартнома таклиф этган. Ҳозирча қатарликлар англиялик футболчининг жавобини кутмоқда. 

Илгари тарқалган хабарларда эса Санчо ўз юртида қолиб, Англия чемпионатида ўйнашни афзал кўриши айтилган эди.

Эслатиб ўтамиз, бу ёзда Санчо «Манчестер Юнайтед»ни шартномаси муддати тугагани сабабли тарк этди. Ўтган мавсумда у ижара асосида «Астон Вилла» сафида майдонга тушди ва барча мусобақалар доирасида 39 ўйин ўтказиб, бир гол урди ҳамда учта голли узатма муаллифига айланди.