Яна уч йил шу жамоада ўйнайман!

“Ноттингем Форест” ярим ҳимоячиси Ибраим Сангаре клуб билан янги уч йиллик шартнома тузди.

“Форест” 2023 йилда уни ПСВдан 30 миллион фунт стерлинг эвазига харид қилган эди. Бу инвестиция ўзини тўлиқ оқлади, чунки Сангаре жамоанинг асосий футболчиларидан бирига айланди.

Ўтган мавсумда 28 ёшли ивуарлик ярим ҳимоячи барча мусобақаларда 43 та ўйин ўтказди ва жамоасининг Европа Лигаси ярим финалигача етиб боришида муҳим роль ўйнади.

Бу ёзда “Форест” марказий ярим ҳимоядаги муҳим футболчиси Эллиот Андерсонни 116 миллион фунт стерлинг эвазига “Манчестер Сити”га сотди. Шу сабабли клуб Сангарени сақлаб қолишни устувор вазифа деб билди. Айниқса, унга “Манчестер Юнайтед” қизиқиш билдиргани ҳақидаги хабарлар фонида бу муҳим аҳамият касб этди.

- Мен бу ерда уч йилдан буён ўйнаяпман ва шу вақт ичида клуб мен учун ҳақиқий оилага айланди. Ўзимни жуда яхши ҳис қиламан, кўп нарсани ўргандим ва шу даражага етиш учун қаттиқ меҳнат қилдим. Янги бош мураббий билан ишлашни ва янги мавсумни интиқлик билан кутяпман, - деди Сангаре.