"Сити" юлдузига жиддий харидор чиқди

«Ноттингем Форест» клуби «Манчестер Сити» ярим ҳимоячиси Тижани Рейндерсга қизиқиш билдирмоқда. Бу ҳақда маълумотни инсайдер ва спорт журналисти Фабрицио Романо ижтимоий тармоқда эълон қилди.

Хабарга кўра, «шаҳарликлар»нинг ярим ҳимоячиси «Ноттингем Форест»нинг трансфер рўйхатига киритилган. Аввалроқ футболчига «Ньюкасл Юнайтед» жамоаси ҳам даъвогар сифатида қайд этилган эди.

«Ноттингем Форест» маҳоратли футболчи учун 55 миллион фунт беришга тайёр. Нидерландия терма жамоаси аъзоси доимий равишда асосий таркибда майдонга тушиш имконияти туфайли бу таклифни кўриб чиқишга тайёр экани айтилмоқда. У «ўрмончилар» бош мураббийи Оливер Гласнер режаларида муҳим фигура сифатида кўрилмоқда.

Ўтган мавсумда Рейндерс барча мусобақалар доирасида 47 та ўйинда майдонга тушиб, 7 та гол урди ва 8 та голли узатма муаллифига айланди. Унинг клуб билан амалдаги шартномаси 2030 йил ёзигача мўлжалланган. Transfermarkt портали маълумотларига кўра, футболчининг бозор қиймати 50 миллион еврони ташкил этади.