"Ювентус" жамоа юлдузини ушлаб қолмоқчи

Туриннинг "Ювентус" клуби Кенан Йилдиз билан шартномани узайтирмоқчи.

Журналист Николо Скира берган хабарга кўра, "зебралар" туркиялик футболчига йиллига 5 миллион евро маош билан биргаликда 5 йиллик янги шартнома таклиф қилишни режалаштирмоқда. Бундан ташқари шартномада бонус пул мукофотлари ҳам мавжуд.

20 ёшли футболчининг ҳозирда Турин клуби билан амалдаги шартномаси 2029 йилнинг ёзигача амал қилади.

Эслатиб ўтамиз, Йилдиз жорий мавсум "Ювентус" сафида 25 та учрашувда майдонга тушиб, 9 та гол киритиди ва 8 та голли узатмани ўз номига ёздириб қўйди.