«Ювентус» Спаллеттига ўринбосар танлади

Италия матбуоти хабарларига кўра, «Ювентус» раҳбарияти келаси мавсум учун бош мураббий номзодини танлашда Симоне Индзаги вариантига устунлик бермоқда.

Айни пайтда клуб раҳбарияти режанинг сўнгги тафсилотларини келишмоқда. Асосий мақсад — жорий мавсумни Лучано Спаллетти билан якунлаш ва шундан кейин Индзагини жамоага олиб келиш. Агар «Ювентус» яқин вақт ичида инқироздан чиқмаса, Индзагини зудлик билан тайинлаш варианти ҳам кўриб чиқилмоқда.

Манбага кўра, Антонио Конте энди клуб учун устувор номзод ҳисобланмайди.

Маълумот учун, «Ювентус» Италия чемпионатида 8-ўринни эгаллаб турибди. Туринликлар 22 октябрь куни Европа лигаси доирасида «Ренн»га қарши майдонга тушади.