«Ювентус» Ван Дейкни кузатмоқда
«Ювентус» «Ливерпул» билан шартномаси 2027 йилгача бўлган Вирджил ван Дейкни таклиф этиш имкониятини ўрганмоқда
«Ливерпул» марказий ҳимоячиси Вирджил ван Дейк «Ювентус» скаутлари диққат марказига тушди. Турин клуби инглиз жамоаси билан шартномаси якунланиш арафасида турган нидерландиялик футболчини таклиф этиш имкониятини ўрганмоқда.
Маълумотларга кўра, «Ювентус» вакили яқинда Нидерландия ва Германия терма жамоалари ўртасидаги ўртоқлик учрашувини стадионда кузатиб борган. Унинг асосий мақсади ван Дейкнинг жисмоний ҳолатини шахсан баҳолаш бўлган. Итальян клуби учун ҳозирча айнан шу омил энг муҳим ҳисобланмоқда.
Шу билан бирга, ҳозирча томонлар ўртасида расмий музокаралар бошланмаган. «Ювентус» фақат 35 ёшли марказий ҳимоячи атрофидаги вазиятни диққат билан кузатиш билан чекланмоқда.
Жорий мавсумда ван Дейк турли мусобақалар доирасида олти ўйинда майдонга тушди, бироқ гол ёки голли узатма билан ажралиб турмади. Нидерландиялик футболчининг «Ливерпул» билан амалдаги шартномаси 2027 йил ёзигача амал қилади.
Изоҳлар (0)