Зидан бошқариш учун бошқа жамоа танлади

Франция терма жамоаси бош мураббийи Зинедин Зидан келажакда қайси клубни бошқаришни исташини очиқ айтди. Унинг сўзларига кўра, орзусидаги жамоа – ўзи футболчи сифатида тўп сурган «Ювентус» клуби.

- Қачондир «Ювентус» жамоасини бошқаришни истармидингиз?

- Ҳа, албатта, лекин бу нарсани олдиндан аниқ айтиш қийин. «Ювентус»да Марчелло Липпи менга ҳеч қачон таслим бўлмаслик кераклигини ўргатган. 

Дастлабки мавсумларда ўйиним унчалик яхши эмасди, мухлислар ҳам, матбуот ҳам мени қабул қилмасди. Жуда оғир давр эди. Лекин Липпи менга ишонди ва: «Сен менинг “Ювентус”имда ўйнайсан», деди. Мен унга жуда кўп нарса учун қарздорман. Қачондир шу клубни бошқаришни истайман, албатта. Нега йўқ? Агар мураббийлик фаолиятимни давом эттирсам, бу имкониятга умид қиламан, – дея Зиданнинг сўзларини келтиради TuttoMercatoWeb нашри.

Эслатиб ўтамиз, Зинедин Зидан футболчи сифатида «Ювентус» шарафини 1996–2001 йиллар орасида ҳимоя қилган.