Зиркзее таклифни рад этди

«Манчестер Юнайтед» ҳужумчиси Жошуа Зиркзее «Фиорентина» таклифини рад этди.

Флоренция клуби нидерландиялик футболчини 5 миллион евро эвазига ижарага олиб, кейинчалик 30 миллион еврога тўлиқ сотиб олиш имконияти билан келишув тузишга тайёр эди. 

Аммо инсайдер Фабрицио Романо хабарига кўра, Зиркзее бу вариантга розилик бермади.

Шу тариқа, форвард учун курашда асосий даъвогар сифатида «Ювентус» қолмоқда. Турин клуби якшанба куни «Манчестер Юнайтед» раҳбариятига расмий сўров юборган. 

Шу билан бирга, «Ювентус» «Ньюкасл» ҳужумчиси Ник Вольтемаде билан ҳам қизиқмоқда.

Эслатиб ўтамиз, Жошуа Зиркзее 2024 йил июль ойида «Болонья» таркибидан «Манчестер Юнайтед»га ўтган эди. Transfermarkt портали маълумотларига кўра, 25 ёшли футболчининг жорий бозор қиймати 20 миллион евро атрофида баҳоланмоқда.