10 ta jang – 10 ta g‘alaba!

Bishkek shahrida MMA bo‘yicha havaskorlar o‘rtasida Qirg‘iziston va O‘zbekiston aralash jang san’atlari terma jamoalari ishtirokida o‘rtoqlik uchrashuvi bo‘lib o‘tdi.

Musobaqada har bir terma jamoadan o‘n nafardan sportchi o‘zaro kuch sinashdi. Barcha uchrashuvlarda terma jamoamiz vakillari ustunligini namoyish qilib, mezbonlarni 10:0 hisobida mag‘lubiyatga uchratdi.

O‘zbekiston terma jamoasi sharafini Humoyun Zokirov, Behruz Isroilov, Husniddin Sattorov, Shukurjon Rustamov, Behruz Akbarov, Munisbek Mo‘minjonov, Islo Boltaev, Ilyos Komilov, Fayzullo Mahammatov, Ixtiyor Xolmurodov munosib himoya qildi.