Abdumalik Xalakov olimpiada chempioni

Avvalroq, -56 kg vazn toifasidagi bokschimiz Abdumalik Xalakov final jangini o‘tkazishi haqida xabar berib o‘tgandik.

Hamyurtimiz hal qiluvchi jangida ukrainalik Maksim Xalinichevga qarshi ringga chiqdi va 5:0 hisobida g‘alaba qozonib, oltin medalga ega chiqdi. Bu haqda MOQ rasmiy sayti xabar bermoqda.

Shu tariqa, O‘zbekiston terma jamoasining o‘smirlar Olimpiadasidagi medallari soni 15 taga etdi. Ayni paytda hisobimizda 5 ta oltin, 4 ta kumush va 6 ta bronza medallari mavjud. 1 ta oltin va 1 ta bronza medallari mikst bahslarida qo‘lga kiritilgan.