Gennadiy Golovkinga raqib topilmayapti
Shahobiddin
O‘rta vazn toifasining WBC, WBA Super, IBF va IBO chempionlik kamarlari sohibi Gennadiy Golovkin 5 may kuni AQShda o‘tkazilishi rejalashtirilgan jangga raqib topa olmayapti va shu sabab mazkur to‘qnashuv bekor qilinishi mumkin, deya xabar beradi Boxingscene nashri.
Avvaliga qozog‘istonlik bokschi ushbu qarama-qarshilikda Saul Alvares bilan uchrashishi kerak edi. Biroq meksikalik bokschining organizmida taqiqlangan modda (doping) topilgani uchun u chetlatildi.
Bundan tashqari jang Las-Vegasdan Karson shahriga ko‘chirildi, ammo tashkilotchilar Golovkinga raqib topa olganicha yo‘q. Bu boradagi yakuniy qaror tez orada e’lon qilinishi kutilmoqda.
Izohlar (0)