Misha AQShga yo‘l oldi

Figurali uchish bo‘yicha terma jamoamiz a’zosi Misha Ge Xitoy Taipeyida o‘tkazilgan "4 qit’a chempionati"dagi ishtirokini yakunladi. Qisqa dasturdan so‘ng sakkizinchi pog‘onada qayd etilgan vakilimiz erkin dasturni bir muncha muvaffaqiyatli o‘tkazib, turnirni yakunda oltinchi o‘rinda yakunladi. 

Endi hamyurtimiz Olimpiada bo‘lgan so‘nggi tayyogarlik bosqichini olib borish uchun AQShga jo‘nab ketdi. Los-Anjelesda mashg‘ulot olib boradigan Misha u erda taxminan 10 kun davomida Olimpiadaga so‘nggi tayyogarlikni olib boradi. Eslatib o‘tamiz, Misha Gening Olimpiadadagi ishtiroki 16-17 fevral sanalariga to‘g‘ri keladi.