Rojer Federerning tarixiy g‘alabasi
Shveytsariyalik Rojer Federer “Katta dubulg‘a” turkumiga kiruvchi Avstraliya ochiq chempionatining final uchrashuvida xorvatiyalik Marin Chilichga qarshi kortga chiqdi.
Besh set davom etgan o‘yinda Rojer 6:2, 6:7, 6:3, 3:6, 6:1 hisobida zafar quchdi. Ushbu g‘alaba shveytsariyalik tennischiga 4.000.000 AQSh dollari miqdoridagi mukofot puli va 2.000 reyting ochkosini keltirdi.
Shu tariqa, Federer “Katta dubulg‘a” turkumidagi musobaqalarda 20 marotaba bosh sovrinni qo‘lga kiritdi. Uning hisobida «Australian open” turniridagi sovrinlar soni oltitaga etdi. Shuningdek, u sakkiz marotaba “Uimbildon”da g‘alaba qozongan bo‘lsa, bir marotaba "Rolan Garros"ning finalida g‘olib chiqqan. “US Open”da esa besh marta bosh sovrin sohibiga aylangan.
Fikrlar