Tennischimiz og‘ir uchrashuvda zafar quchdi
Rossiyada tennis bo‘yicha o‘smirlar o‘rtasida o‘tkazilayotgan xalqaro turnirning dastlabki bosqichidagi eng keskin va murosasiz bellashuv o‘zbekistonlik Sergey Fomin va rossiyalik Pavel Verbin o‘rtasida bo‘ldi.
Ushbu uchrashuvning dastlabki setida 6:4 hisobida zafar quchgan Sergey keyini partiyada xuddi shu natija bilan raqibiga yutqazdi - 4:6.
O‘yin g‘olibi uchinchi setda aniqlandi va unda o‘zbekistonlik iste’dodli tennischi 7:6 hisobida muvaffaqiyat qozondi.
Sergey Fomin chorak final yo‘llanmasi uchun bo‘ladigan keyingi bellashuvda Rossiya tennischilari - Andrey Budanov va Filipp Klimov bahs g‘olibi bilan bellashadi.
Fikrlar