Alisson qancha muddatga safdan chiqdi?

Chempionlar ligasi 2-turidan o‘rin olgan "Galatasaray" - "Liverpul" bahsida Alisson Beker jarohat olib, maydonni tark etdi. Uning o‘rniga o‘yinni Georgiy Mamardashvili davom ettirdi. 

Braziliyalik darvozabon 6 haftaga safdan chiqdi, deya xabar bermoqda insayder David Ornshteyn. Jamoa bosh murabbiy Arne Slot esa uning holati haqida shunday gapirdi: "Alisson biroz vaqt maydonga tusha olmaydi. U FIFA kunlaridan keyin tuzalsa, hayron qolaman". 

Beker "qizillar"ning asosiy posboni hisoblanadi. U ushbu mavsum 9 ta o‘yinda maydonga tushib, ikkita penalti qaytarishga ham muvaffaq bo‘ldi. Alisson "Chelsi", "Liverpul", "Real Madrid" va "Manchester Siti" kabi klublarga qarshi bo‘ladigan uchrashuvlarni o‘tkazib yuborishi kutilmoqda.