Asosiy mazmunga oʻtish
Futbol

Angliya klubi yetti karra chempionni olmoqchi

Zohir Toshxo'jayev
Izohlar: 0

Bu futbolchi g'alaba qozonishni biladi

«Aston Villa» erkin agent maqomiga ega bo‘lgan sobiq «Bavariya» yarim himoyachisi Leon Goretska bilan shartnoma borasida muzokara olib bormoqda. Bu haqida Sky Sports xabar berdi.

Birmingem klubi himoyaviy vazifalarni bajara oladigan markaziy yarim himoyachi bilan joriy transfer oynasi yakunlanguncha kelishuvga erishishni maqsad qilgan. Avvalroq «Aston Villa» «Bavariya» tarkibidagi Joau Palinyaga ham jiddiy qiziqish bildirgan edi, biroq portugaliyalik futbolchi endilikda «Benfika»ga o‘tishiga yaqin turibdi.

31 yoshli Leon Goretska 2018 yildan beri myunxenlik «Bavariya» sharafini himoya qilib keldi. U klub bilan birga yetti karra Germaniya chempioni (2018/2019, 2019/2020, 2020/2021, 2021/2022, 2022/2023, 2024/2025, 2025/2026), uch karra Germaniya kubogi sohibi (2018/2019, 2019/2020, 2025/2026) va to‘rt karra Superkubok g‘olibi (2018, 2020, 2021, 2025) bo‘lgan.

Shuningdek, Goretska «Bavariya» tarkibida Yevropa Chempionlar ligasi (2019/2020), UEFA Superkubogi (2020) va klublar o‘rtasidagi jahon chempionati (2020) musobaqalarida ham g‘oliblikni qo‘lga kiritgan.

Ulashish
SPORTS.uz'ning Instagram'dagi sahifasiga qo‘shiling!

Izohlar (0)

Hozircha izohlar yo'q