Aziza Zokirova muddatdan avval g‘alaba qozondi

Xabaringiz bor, Angliyaning Liverpul shahri World Boxing shafeligida ilk bor o‘tkazilayotgan kattalar o‘rtasida jahon chempionatiga mezbonlik qilmoqda. 

-70 kg vaznda bo‘lib o‘tgan bahsda, bokschimiz Vengriya vakilasi Regina Lakosni uchinchi raundda texnik nokautga uchratdi. Bokschimiz endi 9 sentyabrda chorak finalda bahs olib boradi. Bu haqda O‘zbekiston boks federatsiyasi xabar bermoqda.

Eslatib o‘tamiz, bizni oldinda yana bir yurtdoshimiz Asadxo‘ja Mo‘ydinxo‘jaev va xitoylik Jianxao Ju to‘qnashuvi kutmoqda.