"Barsа" 100 million evrolik vunderkindni kutyapti
Bu yulduzchani olish oson bo‘lmaydi
Angliya Premier-ligasida mavsum kashfiyoti bo‘lgan "Bornmut" klubi hujumchisi Eli Zhunior Krupi yaqin vaqtlarda La Ligaga yo‘l olishi mumkin.
19 yoshli fransuz futbolchisiga "Barselona" jiddiy qiziqish bildirgani haqida jurnalist Adrian Sanches o‘z ijtimoiy tarmoqlarida xabar berdi.
Ma’lumotlarga ko‘ra, kataloniyaliklar yosh iste’dodni qo‘lga kiritish uchun aniq qadamlar qo‘ya boshlagan. "Bornmut" esa o‘zining yorqin yulduzi uchun 100 million yevro atrofida to‘lov talab qilmoqda.
Avvalroq ommaviy axborot vositalari Krupi nomini "PSJ" va "Bavariya" klublari bilan ham bog‘lagan edi. Bu jamoalar ham iqtidorli hujumchini o‘z safiga qo‘shib olish uchun "Barselona" bilan raqobat qilishga tayyor ekani aytilmoqda.
Izohlar (0)