"Barsa" Baldedan voz kechdi

«Barselona» klubi rahbariyati 22 yoshli himoyachi Alehandro Bal'deni qishki transfer oynasida ijaraga berishga tayyor, deb xabar bermoqda Sports.kz TEAMtalk manbasiga tayanib.

Manba ma'lumotiga ko'ra, kataloniyaliklar futbolchining vakillariga yangi jamoa qidirishga ruxsat bergan. Bal'deni ijaraga olish imkoniyatini «Manchester Yunayted» ko'rib chiqmoqda. Bu klub yozdayoq yosh ispan himoyachisiga qiziqish bildirgan edi. «Yunayted» rahbariyati Bal'dening salohiyatini yuqori baholab, uni aynan ijara orqali Angliya chempionatida sinab ko'rishni, shu tariqa darhol to'liq transferga majbur bo'lmaslikni istamoqda.

Himoyachini o'z safiga qo'shib olish bo'yicha taklif «Liverpul»ga ham yetkazilgan. Shuningdek, vositachilar «Sanderlend», «Everton» va «Ful'hem» klublari bilan ham aloqa o'rnatgan. Bal'dening o'zi Angliyaga ko'chib o'tish g'oyasiga qarshi emas, biroq ehtimoliy bitim shartlari hozircha aniq emas.

Joriy mavsumda ispaniyalik futbolchi «Barselona» asosiy tarkibida faqat bitta o'yinda maydonga tushgan. Hans-Diter Flik qo'l ostida u asosiy tarkibdagi o'rnini yo'qotgan. Bal'dening klub bilan amaldagi shartnomasi 2028 yilgacha mo'ljallangan, ammo hozircha uni uzaytirish bo'yicha muzokaralar olib borilmayapti.