"Barsa" narxni eshitib, qo‘rqib ketdi

Ispaniyaning amaldagi chempioni «Barselona» klubi rahbariyati yuqori transfer narxi sababli Yan Diomandeni olish rejasidan voz kechdi.

Mundo Deportivo nashri xabariga ko‘ra, kataloniyaliklar bir necha oy oldin «RB Leyptsig» bilan hujumchi bo‘yicha aloqaga chiqqan. Biroq nemis klubi futbolchini 100 million evrodan ortiq summaga baholagan.

Shundan so‘ng «Barselona» Kot-d′Ivuar terma jamoasi a’zosi bo‘lgan Diomandeni variant sifatida ko‘rib chiqishni to‘xtatdi va e’tiborini Entoni Gordon transferiga qaratdi.

Avvalroq «Real» Diomande uchun 100 million evrodan yuqori miqdordagi transfer bo‘yicha kelishuvga erishgani haqida xabarlar tarqalgan edi.