"Barsa" va "Real" 17 yoshli vunderkindni talashyapti
Uni hali hech kim tanimaydi
Myonxengladbahning «Borussiya» klubi yosh hujumkor yarim himoyachisi Vael Moxia «Barselona» va «Real» skautlari e'tiborini tortdi. Bu haqida El Nacional nashri xabar bermoqda.
Manbaga ko‘ra, Ispaniyaning ikki yetakchi klubi 17 yoshli iqtidorli futbolchiga jiddiy qiziqish bildirmoqda. Shu bilan birga, Moxiaga Evropaning boshqa katta jamoalari ham nazar tashlagan. Ular orasida «Bavariya», «Liverpul», «PSJ» va Dortmundning «Borussiya»si ham bor. Myonxengladbah klubi o‘z futbolchisini kamida 35 million yevro atrofida baholamoqda.
Joriy mavsumda Moxia barcha musobaqalar doirasida to‘qqizta o‘yinda maydonga tushib, uchta gol urdi va bir marta hamkorlariga golli pas berdi.
Izohlar (0)