“Bashakshehir” Shomurodovga erkinlik beradi

MOSKVA, 3 oktyabr. NHLda ishtirok etuvchi mashhur «Detroyt Red Uingz» klubi o‘z tarixida alohida o‘rin tutgan «Ruscha beshlik» sharafiga o‘z uy maydonida maxsus ekspozitsiya o‘rnatdi.

Jurnalist Maks Bultmanning yozishicha, «Littl Sizars-arena» foyesida improvizatsiya qilingan zahira o‘rindig‘i ortida «Ruscha beshlik»ka bag‘ishlangan stend joylashtirilgan. Bu yerda afsonaviy smenaning barcha a’zolariga oid ma’lumot va tarixiy lavhalar namoyish etilmoqda.

«Ruscha beshlik» deb 1995 yilda shakllangan «Detroyt» jamoasining bir smenasiga aytilgan. Unga himoyachilar Vyacheslav Fetisov va Vladimir Konstantinov, hujumchilar Vyacheslav Kozlov, Igor Larionov va Sergey Fedorov kirgan.

Aynan shu beshlik 1997 yili klubga 42 yillik tanaffusdan so‘ng ilk bor Kubok Stenlini qo‘lga kiritishda hal qiluvchi o‘rin tutgan. Ammo g‘alabadan atigi olti kun o‘tib, Vladimir Konstantinov yo‘l-transport hodisasiga uchrab, og‘ir jarohat olgan va shu sababli professional karerasini yakunlashga majbur bo‘lgan.

1998 yili «Detroyt Red Uingz» yana Kubok Stenlini yutib, ikkinchi bor qatorga qo‘lga kiritdi. Bu safar jamoa g‘alabani Konstantinovga bag‘ishladi. Marosim paytida u nogironlar aravasida bo‘lishiga qaramay, muz ustiga olib chiqildi va jamoadoshlari bilan birga bosh sovrinni ko‘tarish sharafiga muyassar bo‘ldi.