"Bavariya" Dortmunddan Superkubokni olib ketdi

Germaniya Superkubogi–2026 bahsi yakuniga yetdi. Dortmund shahridagi «Dortmund» stadionida o‘tgan uchrashuvda mahalliy «Borussiya» Myunxenning «Bavariya» jamoasini qabul qildi. Bellashuvga Daniel Shlager bosh hakam sifatida xizmat qildi. Natijada «Bavariya» 2:1 hisobida g‘alaba qozondi.

Hisob 28-daqiqada ochildi: «Bavariya» himoyachisi Nataniyel Braun raqib darvozasini ishg‘ol etdi. Birinchi bo‘limga qo‘shib berilgan 45+1-daqiqada vinger Maykl Olise myunxenliklar ustunligini ikki to‘pga yetkazdi. 75-daqiqada «Borussiya» hujumchisi Fabiu Silva hisobni qisqartirib, maydon egalariга umid uyg‘otdi. Biroq 90-daqiqada «Borussiya»ning qora-zargalari himoyachisi Rami Bensebaini to‘g‘ridan-to‘g‘ri qizil kartochka olib, jamoasini bir futbolchisiz qoldirdi.

O‘tgan mavsum yakuniga ko‘ra «Bavariya» 89 ochko jamg‘arib, Germaniya chempioni bo‘lgan edi. Shuningdek, myunxenliklar mamlakat kubogini ham qo‘lga kiritgan. Dortmundning «Borussiya»si esa vitse-chempion sifatida Superkubokda ishtirok etdi.

Eslatib o‘tamiz, 2025 yildgi Germaniya Superkubogi ham «Bavariya» foydasiga hal bo‘lgan. O‘shanda Myunxen klubi «Shtutgart» ustidan 2:1 hisobida zafar quchgan edi.