"Bavariya" Gordonni kuzatmoqda

Angliyaning "Nyukasl" klubi hujumchisi Entoni Gordonga Bundesliganing yirik klublaridan biri "Bavariya" jamoasi qiziqish bildirmoqda.

Aniqroği, myunxenliklar Gordonni fevral oyidan beri kuzatib kelishmoqda. Hujumkor o‘yinlari va o‘ziga hos harakatlari sabab nemis klubi futbolchini "Bavariya"ga mos deb biladi.

Eslatib o‘tamiz,  25 yoshli vinger joriy  mavsum "qora qarğalar" safida 26 ta uchrashuvda maydonga tushib, 6 ta gol va 2 ta golli uzatmani amalga oshirgan. Uning hozirda transfer narxi 60 million evroni tashkil qiladi.