Belarus go‘zali chorak final ostonasiga chiqdi

Belaruslik Arina Sobolenko Charlston shahrida o‘tayotgan musobaqaning yakkalik bahslari uchinchi davrasiga chiqib oldi.

Arina ikkinchi bosqichida ukrainalik Katerina Kozlovaga qarshi kortga chiqdi. Uch set davom etgan o‘yinda belaruslik tennischi 3:6, 6:3, 6:3 hisobida zafar quchdi. 

Shu tariqa "Volvo Car Open"ning chorak final yo‘llanmasi uchun o‘tadigan o‘yinda Sobolenko puertorikolik Monikoy Pyuig bilan kuch sinashadigan bo‘ldi.