Bir xato uni rekorddan mahrum qildi!

TPC Craig Ranch maydonida golf bo‘yicha o‘tayotgan 2026 yildgi CJ Cup Byron Nelson turnirida natijalar o‘tgan yildgi musobaqani eslatmoqda. Maydonda ayrim o‘zgarishlar amalga oshirilgan bo‘lsa-da, golfchilar yana juda yuqori natijalar qayd etmoqda.

Janubiy koreyalik Si Vu Kim turnirning uchinchi raundini katta ustunlik bilan boshlaydi. U PGA Tour tarixidagi 60 zarbadan kam natija qayd etgan 16-golfchiga aylanishiga bir qadam qolganda to‘xtab qoldi. Kim 18-chi chuqurda xatoga yo‘l qo‘ydi va natijada raundni 60 zarba bilan yakunladi.

Shunga qaramay, bu haftaning eng yaxshi natijasi bo‘lib turibdi. U umumiy hisobda -18 natija bilan eng yaqin ta’qibchilaridan besh zarbaga oldinda bormoqda.

Biroq Kimga oson bo‘lmaydi. Chunki uni ta’qib qilayotganlar musobaqadagi eng kuchli ishtirokchilar hisoblanadi.

O‘tgan yildgi chempion Skotti Sheffler 63 zarbalik raund o‘tkazib, ikkinchi o‘ringa ko‘tarildi va Kim bilan oradagi farqni saqlab qoldi. U turnirda ketma-ket ikkinchi chempionlikni qo‘lga kiritishni maqsad qilgan.

Yana bir janubiy koreyalik golfchi Sunje Im ham ajoyib o‘yin ko‘rsatdi. U 61 zarba bilan haftaning eng yaxshi natijasini qayd etgan edi, ammo keyinchalik Kim bu natijani yaxshiladi. Hozirda Im ham ikkinchi o‘rinni bo‘lishib turibdi va yetakchidan besh zarba orqada qolmoqda.

Shuningdek, Jordan Spit (-12) va Bruks Kepka (-10) ham yuqori o‘rinlar uchun kurashni davom ettirmoqda.

Maydonda past natijalar qayd etish imkoniyati yuqori bo‘lganligi uchun uchinchi raund — ya’ni golfda “Moving Day” deb ataladigan kun – turnir taqdirini o‘zgartirib yuborishi mumkin. Ko‘plab ishtirokchilar yakshanba kungi hal qiluvchi raund oldidan vaziyatni o‘z foydasiga burish imkoniyatiga ega.

Ob-havoning kechqurun yomonlashishi kutilgani sababli ishtirokchilar shanba kuni maydonga odatdagidan ertaroq chiqadi.

Turnirning uchinchi raundi jonli efirda CBS Sports platformalari orqali namoyish etiladi. Muxlislar shuningdek musobaqaning so‘nggi natijalari, statistkasi va muhim voqealarini kuzatib borish imkoniyatiga ega bo‘ladi.