"Chelsi" ikkita superfutbolchi tanladi

Londonning «Chelsi» klubi yarim himoyachilar Aleks Skott («Bornmut») va Adam Uortonni («Kristal Pэlas») qishki transfer oynasi uchun asosiy nomzodlar sifatida ko‘rib chiqmoqda.

CaughtOffside ma’lumotiga ko‘ra, klub rahbariyati qishda jamoaning markaziy chizig‘ini kuchaytirish masalasini ichki muhokama qilib bo‘lgan. «Manchester Siti»ga Enzo Fernandez sotilganidan so‘ng, londonliklar katta miqdorda transfer amalga oshirish imkoniyatiga ega.

- «Chelsi»  bir nechta nomzodlarni ko‘rib chiqqan. Jorjino Veynaldum ismi ham tilga olingan, ammo rahbariyat bir ovozdan yanvarda paydo bo‘ladigan imkoniyatlarni kutishga qaror qildi. Hozircha Skott va Uorton asosiy maqsad sifatida ko‘rilmoqda, — deya manba so‘zlaridan iqtibos keltiradi nashr.

O‘tgan yozda «Bornmut» klubi rahbariyati «Chelsi»ning Skott bo‘yicha taklifini rad etgan va futbolchini kamida 2027 yilgacha sotishni rejalashtirmayotganini ma’lum qilgan edi. Shunga qaramay, londonliklar yanvarda yana bir bor klub pozitsiyasini sinovdan o‘tkazish niyatida. Alternativ variant sifatida Uorton ko‘rilmoqda, biroq «Kristal Pэlas» ham hozircha o‘z futbolchisini sotishga tayyor emas.

Shu bilan birga, «Chelsi» mutasaddilari «Monako» yozgi transfer oynasi yakunlanish arafasida uning o‘tishiga to‘sqinlik qilganidan keyin Lamin Kamara bo‘yicha muzokaralarga qaytish variantidan voz kechgan.