David Goffin kurashdan chiqdi

Belgiyalik tennischi David Goffin Barselona shahrida o‘tayotgan musobaqaning ikkinchi davrasida muvaffaqiyatsizlikka uchradi.

David ushbu bosqichda germaniyalik Yan-Lennard Shtruffga qarshi kortga chiqib, yakunda 6:7, 3:6 hisobida imkoniyatni boy berib qo‘ydi.

Shu tariqa "Barcelona Open Banc Sabadell" turnirining uchinchi davrasiga yo‘l olgan Shtruff, endi vengriyalik Marton Fuchovich va gretsiyalik Stefanos Tsitsipas uchrashuvi g‘olibi bilan raqobatlashadigan bo‘ldi.