El-Shaaraviy yangi klub topdi

«Jenoa» tarkibi yana bir tajribali futbolchi bilan toʻldirildi – klub oʻz tarbiyalanuvchisi Stefan El-Shaaravi bilan shartnoma imzoladi.

33 yoshli vinger jamoaga erkin agent sifatida qaytdi. U oʻtgan mavsum yakunlangach «Roma»ni tark etgani sababli, yangi klubiga tekin transfer orqali oʻtdi.

El-Shaaravi «Jenoa» futbol maktabi tarbiyalanuvchisi hisoblanadi. U katta futboldagi faoliyatini aynan shu jamoada boshlagan va 2010 yilgacha genuyaliklar sharafini himoya qilgan.